經常聽人講父母生得高，仔女自然都會生得高啲，究竟係咪真？
身高的確係會受基因遺傳影響。醫生指出，身形高嘅爸爸媽媽，高基因比矮基因多，所以父母越高，小朋友生得高嘅機率就會高啲，但亦都有可能生得矮，只係機率比較低。相反，身高比較矮嘅父母都有可能生到高嘅小朋友，只係機率比較低。
{adv here}
{adv here}
後天環境的影響
小朋友嘅身高除咗同爸爸媽媽嘅遺傳有關，後天環境都會有影響。喺小朋友嘅成長過程入面，如果壓力太大，就會好容易導致性早熟，佢哋可以長高嘅時間會縮短，從而影響到佢哋最終嘅身高，點解男仔會比女仔高都係因為呢個原因。
補充鈣質+蛋白質
想小朋友生得高大，充足嘅營養係成長嘅關鍵。佢哋要吸收足夠嘅鈣質同埋生長所需嘅蛋白質（例如：奶、蛋、豆、魚肉類等）嚟補充胺基酸。另外，曬太陽同埋維他命D都好重要。維他命D需要太陽嘅幫助先可以活化，而維他命D活化先可以幫助鈣質吸收。
{adv here}
運動+睡眠
一般嚟講，小朋友嘅生長激素速度比大人快，即係話小朋友嘅適應能力比較好、受傷嘅復原速度快，呢啲都係同生長激素有關。大家都知道運動可以幫助長高，咁係因為做運動會刺激生長激素嘅分泌。
另外，睡眠對小朋友長高都好有幫助。小朋友係利用睡眠時間成長發育，如果小朋友可以喺夜晚10點左右瞓覺，12點熟睡，腦部就會分泌最大量嘅生長激素，所以，充足睡眠有助於小朋友嘅成長發育。
資料來源：華人健康網
