孕育一個新生命係一件好奇妙嘅事，究竟小寶寶每日喺媽媽嘅肚入面除咗瞓覺仲有咩做呢？
1. 喺羊水入面暢遊
喺懷孕早期，仲未成型嘅小寶寶每日都會喺媽媽嘅子宮入面自由咁遊動，就好似悠閒嘅小海馬喺海入面暢游。
{adv here}
{adv here}
2. 啜手指、吞吐羊水、打喊露
小寶寶最鍾意啜佢哋嘅手指或者腳趾，佢哋仲會好似吹泡泡咁樣吞吐羊水，同埋佢哋亦都會成日打喊露！超可愛！
3. 做運動、活動筋骨
媽媽到咗懷孕嘅中後期，係唔係成日感覺到小寶寶喺肚入面翻天覆地嘅胎動？其實係小寶寶喺度活動筋骨！小寶寶可以自由咁彎曲伸展同埋會轉動佢嘅手掌、手腕、腳同埋腳趾，仲可以喺媽媽嘅肚入面反轉身體，腳仔亂踢一通。
4. 搶占地盤
隨著寶寶越嚟越大，子宮入面嘅空間對寶寶嚟講就越嚟越迫，佢為咗可以令自己舒服啲，會同媽媽嘅器官爭地盤，將媽媽嘅腸臟向上推。
{adv here}
5. 玩臍帶
小寶寶最鍾意玩嘅就係臍帶，佢哋會捉住臍帶嚟玩，圍住臍帶轉圈，呢個亦都係點解咁多寶寶俾臍帶纏繞嘅原因。
6. 打嗝
懷孕媽媽經常會感覺到小寶寶有規律咁打嗝，呢啲其實係小寶寶吞羊水時發出嘅聲音，佢喺度練習緊呼吸動作，咁做可以促進寶寶嘅肺部發育，出世後較容易適應外面嘅世界。
7. 練習開合眼睛
到咗懷孕後期，肚裏面嘅寶寶會成日轉動眼睛，練習張開眼、合埋眼，為出生之後適應外界做準備。
資料來源： 壹讀
