一到夜晚，你嘅小寶寶係咪會開始坐立不安，夜晚唔敢一個人瞓，仲堅持話房入面有鬼？兩至三歲嘅小朋友對周圍環境嘅敏感度會增加，加上受到媒體同埋大人嘅說話影響，變到怕黑又怕鬼。
{adv here}
{adv here}
3招克服小朋友嘅恐懼
1) 家長要有同理心
首先，家長要明白小朋友嘅感受，當小朋友好驚嘅時候，家長應該畀小朋友知道佢理解，而唔係批評佢哋「你係男仔嚟架，驚乜嘢？」或者「有乜嘢好驚？咁細膽！」咁樣做只會增加小朋友嘅恐懼情緒，反而會令小朋友更加驚。當家長有同理心，就可以同小朋友一齊搵出解決方法，令小朋友知道爸爸媽媽會陪佢一齊面對，佢並唔係孤單一個人。
2) 利用「虛擬玩伴」
但係，有乜嘢方法可以幫到小朋友面對恐懼？爸爸媽媽可以用小朋友鍾意嘅公仔做「虛擬玩伴」，同小朋友講「抱著熊啤啤嘅時候，我哋就唔驚喇！」，咁樣唔單止可以轉移小朋友嘅注意力，佢哋抱住最熟悉嘅公仔仲可以增加安全感，小朋友同「虛擬玩伴」一齊面對，慢慢會變得更有勇氣。
{adv here}
3) 用故事引導
小朋友嘅概念係「萬物有靈」，爸爸媽媽可以用講故事嘅方式，引導小朋友自己發現「窗簾後面根本冇嘢」、「世界上冇鬼」。坊間有好多專門為小朋友寫嘅故事書，目的就係令小朋友可以跟住故事內容去思考，減少佢哋嘅錯誤聯想。
其實，兩三歲嘅小朋友怕黑、怕鬼係正常現象，但係如果情況太嚴重，對家長嚟講都係一件好困擾嘅事。爸爸媽媽可以試用以上3招，以同理心陪伴小朋友，再利用公仔同埋故事書，幫助小朋友克服恐懼。
資料來源：華人健康網
