有好多在職媽媽喺產假去到尾聲嘅時候，都會開始擔心餵人奶嘅問題，因為佢哋好想繼續餵人奶畀寶寶飲，但係奈何又要即刻返到工作崗位。呢個時候寶寶已經習慣咗媽媽埋身餵人奶，喺短時間內改用奶樽餵奶，寶寶好有可能會適應唔到，抗拒用奶樽，甚至會不停扭計，唔係咁容易餵到寶寶食奶。
{adv here}
{adv here}
要解決餵奶呢個難題其實唔係想像中咁麻煩，只係需要啲時間，希望以下呢幾招可以幫到教各位媽媽解決餵奶問題。
1. 準備充足的過渡時間
每個寶寶都唔同，針對唔同嘅寶寶，有啲方法可能好快就見效，但有啲寶寶就未必受呢套。所以當媽媽決定用奶樽餵人奶嘅時候，儘量喺返工前一個月就開始準備，令寶寶可以提早適應用奶樽食奶。另外，如果寶寶由出世開始就用乳房同埋奶樽輪流餵人奶，咁樣喺適應用奶樽過程上會比較順利。
2. 用寶寶鍾意嘅奶樽
有時候奶樽都會影響寶寶嘅飲奶情況，所以媽媽喺揀奶樽嘅時候要特別認真，要在意寶寶嘅感受。可以試吓用唔同品牌嘅奶樽，睇吓寶寶覺得邊一隻比較舒適，每日可以試1至2次，儘量揀喺寶寶開心嘅時候，有啲餓但又唔係特別餓嘅情況下。如果每次都可以飲到5-10ml，時間耐咗佢哋就會越嚟越接受。
{adv here}
3. 媽媽唔好參與用奶樽餵奶嘅過程
媽媽唔應該參與用奶樽餵寶寶嘅過程，就連企喺側邊都唔好，因為咁樣會不利寶寶接受奶樽，寶寶會見到媽媽喺側邊，就會抗拒用奶樽。不如畀爸爸代勞，咁樣仲可以增進寶寶同爸爸之間嘅感情。
資料來源：壹讀
