小朋友食飯，好多時會遇到飯太乾唔容易吞嘅情況，有好多媽媽就會加湯落啲飯度變成「湯撈飯」，唔單止可以令啲飯易吞啲，仲會令味道層次分明，小朋友當然鍾意，但成日食湯撈飯真係好？對小朋友會造成乜嘢影響呢？
{adv here}
{adv here}
1. 減少咗營養攝取
好多人都認為，煲湯材料嘅營養都喺晒湯入面，其實係唔啱嘅，根據研究指出，湯入面嘅蛋白質只有煲湯肉嘅7%，其它營養物質大部分都留返喺食物入面，所以湯本身嘅營養價值唔高。
其次就係，飯同湯撈埋一齊會增加咗小朋友攝取嘅容量，佢哋會好快覺得飽，湯嘅營養冇食物咁高，小朋友未食完碗湯飯已經飽咗，即係佢哋未吸收到足夠嘅營養就已經食飽，長遠落去會好容易營養不良。
2. 影響小朋友面部嘅發育
因為湯撈飯容易吞，所以小朋友會不自覺咁減少咀嚼嘅頻率，咀嚼次數少咗等於呢個部位未能得到應有嘅鍛煉，小朋友喺3歲前牙、頷、臉都未發育完全，因為少鍛煉呢啲部位，功能就會減弱，甚至有可能影響小朋友嘅面型。
{adv here}
3. 增加腸胃負擔
因為未完全咬爛食物就吞落肚，胃部嘅工作就會更加吃力。加上湯汁會沖淡胃液，所以消化起來就更慢，長遠落去，會容易引發腸胃病。
但小朋友真係食唔到乾噌噌嘅飯點算好？
其實，除咗湯撈飯仲有好多容易吞嘅食物，例如粥，或者煲飯時加多啲水將飯煮爛啲，但都係嗰句，唔好整得太過爛，要畀小朋友充分咁咀嚼，鍛煉佢哋嘅牙齒、頷、面部之外，亦都會減少佢哋嘅腸胃負擔，咁樣先可以令小朋友健康咁成長。
資料來源：每日頭條
