1. 產後修身關鍵係產後6個月？幾時開始減肥比較好？
好多人話產後瘦身嘅關鍵期係6個月，呢個的確係事實，因為越遲郁就越唔想郁，脂肪定左型之後就好難消除，建議滿月之後就開始做運動（如果分娩時出現特別情況就例外，要諮詢返自己嘅婦科醫生）。
{adv here}
{adv here}
2. 生完BB之後個肚鬆晒，幾時可以用收腹帶？
醫學上冇明確咁規定幾時可以用。醫生建議開刀嘅媽媽收腹帶係因為要固定傷口，順產嘅媽媽想用就可以用，但係唔可以用超過二十四小時，否則容易引起身體不適。建議如果想瘦身嘅話，都要配合埋運動效果先會明顯。
3. 開刀生BB嘅媽媽幾時先可以做運動？
無論開刀定順產，通常坐完月就可以做運動。除非傷口有問題，如果唔係都建議運動前可以評估一下自己嘅恢復狀況或者問下自己嘅婦科醫生。建議一開始可以先做一啲強度低嘅運動，或者自己熟悉嘅運動。
4. 餵人奶係咪會瘦？
餵人奶會瘦就一定係㗎啦！因為餵人奶過程會消耗熱量，如果再配合埋「聰明飲食」，體重自然會下降。
{adv here}
5. 乜嘢係「聰明飲食法」？要點樣食？
建議減少澱粉質攝取量，例如用五穀雜糧代替，或者剩係食半碗飯。少食紅肉，用雞肉同埋魚肉代替，攝取高嘅蛋白質之餘，但熱量嘅攝取反而會少咗。
【聰明飲食法重點】
● 越精緻好味嘅食物熱量就越高，例如蛋糕、麵包、蛋撻等等。
● 熱量同營養取決於食物嘅烹煮方法，如果你選擇食炸雞、乾炒牛河、用好多調味料，對減肥嚟講只係途勞無功。。
● 白飯用五穀雜糧或者粟米嚟代替，紅肉改食白肉，食多啲蔬菜。
6. 餵人奶唔應該減肥？
減肥≠節食！如果想成功減肥，要遵守嘅原則就係「聰明飲食 + 輕鬆運動」，減肥唔係要你咩都唔食，所以即使餵緊人奶都可以減肥。
資料來源：華人健康網
