嬰幼兒濕疹又稱為「奶癬」，係嬰幼兒時期常見嘅皮膚病，最早可以出現喺二至三個月嘅BB身上，兩歲之後發生嘅機會率會減低。
{adv here}
{adv here}
濕疹主要原因係對食物、吸入物或者接觸物過敏所致， BB濕疹會呈現對稱分佈，大多數出現喺面珠、額頭、眉心、頭部同埋皮膚皺褶位，亦都有可能蔓延到BB嘅身軀同埋四肢。
爸媽們要注意以下6點：
1. BB有濕疹，媽媽喺餵母乳期間就唔可以食魚蝦蟹同埋辛辣食物。
2. 清潔BB皮膚嘅時候唔可以用番梘同埋過熱嘅水清洗患處。
3. BB著衫要合適，唔可以著太多，著得太多會加重濕疹痕癢感，室溫亦要保持喺適當嘅溫度。
{adv here}
4. BB要著寬鬆嘅棉質衫或者細軟布料，唔好俾BB穿著化纖織品或者羊毛衣服。尿片要定時更換。
5. 大人照顧BB嘅時候要著棉質衣服，減少對BB濕疹嘅刺激。
6. 保持皮膚清潔，但唔好過度清潔，用溫涼清水輕輕洗下皮膚就可以，沖涼嘅時候唔可以過度揉擦，選擇成份簡單、刺激性低嘅沖涼液、番梘同埋護膚品。沖完涼可以幫BB搽嬰兒潤膚膏保濕。
資料來源：壹讀
