好多人都認為杏仁容易導致流產，準媽媽唔可以食用。除咗杏仁，網上仲流傳薏米都係容易導致流產嘅食物，準媽媽唔可以食。中醫師就表示，食品級嘅甜杏仁同埋薏米並嘅宮縮作用冇咁強，只要衡量一下體質同唔過量，就唔需要擔心。
{adv here}
{adv here}
保護肚入面嘅胎兒係準媽媽嘅責任。好多媽媽都驚唔小心食錯野影響到BB嘅安全。網上就流傳，杏仁具有毒性，容易令受精卵滑出；薏米屬性涼，唔適合準媽媽食用。究竟呢啲講法啱唔啱呢？
食品級甜杏仁毒性低 孕婦可適量食用
中醫師指出，杏仁分為中藥使用嘅苦杏仁同埋食用級嘅甜杏仁(南杏)，苦杏仁(北杏)具有毒性，嚴重嘅話仲可能導致心臟麻痹，準媽媽唔可以食用。至於一般市面上可以買到嘅甜杏仁毒性相當低，適量食用對準媽媽唔會造成危險。建議準媽媽將一日嘅甜杏仁食量控制喺5g以下就唔需要擔心。
食薏米要視乎體質 燥熱媽媽適量食用
中醫師表示，薏米屬性雖然偏涼，但唔代表準媽媽唔可以食。如果體質燥熱嘅媽媽可以適量食用薏米，唔需要太過擔心。如果懷孕期間容易出現分泌物、經常覺得下腹有下墜感嘅媽媽就應該避免食用薏米。
{adv here}
另外，好多媽媽為咗消除水腫都好鍾意自製薏米水。建議媽媽如果真係有需要，而且體質適合先可以飲用。建議用2-3兩薏米加上1000ml水烹煮，控制薏米攝取量。
資料來源：華人健康網
