好多準媽媽知道BB臍帶纏頸之後都會好緊張，擔心BB有危險，甚至造成不可以挽回嘅後果。醫生表示，BB臍帶纏頸係正常現象，發生危險嘅機率好低，大多數都唔會有問題，所以準媽媽唔使太擔心。
{adv here}
{adv here}
臍帶纏頸發生率高 胎死率極低
臍帶纏頸係常見現象，但如果纏得太緊或者太多圈， BB有可能因為缺氧而死亡，但係機會率十分低。一項科研數據證明，臀位嘅胎兒有45%係臍帶纏頸，究竟係臍帶纏頸導致臀位定係臀位導致臍帶纏頸？呢個都係「有雞先定有蛋先」嘅問題。所有妊娠臍帶纏頸發生機會率大概有32%左右，即係話有三分之一嘅胎兒都有臍帶纏頸，而胎死腹中嘅機會就只有萬分之一。
{adv here}
臍帶纏頸可以順產？
一般來講都可以順產，如果臍帶纏得唔緊而且有足夠長度就唔需要開刀。如果纏頸圈數多同埋比較緊，臍帶相對過短，BB頭部下降唔到或者心跳明顯異常，就要考慮需唔需要剖腹產。
資料來源：壹讀
