問題一：冷凍咗嘅母乳可以保存幾耐？
-15℃ ~ 2星期；
-18℃ ~ 3個月；
-20℃ ~ 6-12個月。
{adv here}
{adv here}
所以，如果屋企雪櫃嘅冰格係-18℃，咁冷凍咗嘅母乳就可以保存三個月。
① 就快三個月嘅冷凍母乳可以觀察一下有冇變質；
② 已經超過三個月嘅冷凍母乳就唔建議畀BB食。
問題二：點樣保存母乳，有咩注意事項？
1. 新鮮母乳係室溫下保存時間較短，要喺短時間內畀BB食，建議盡快冷藏或者冷凍。
2. 保存母乳嘅容器建議選擇密封、方便標記嘅儲奶瓶或者儲奶袋，而放入雪櫃前要標記好日期、確認已經密封，擠出袋入面嘅空氣（但要保留足夠母乳冷凍後膨脹空間）等。
3. 按量儲存：為咗方便將來解凍後BB可以一次過食晒，可以將母乳按照90至120 ml一份嘅儲存量冷凍，呢個正正就係BB一餐嘅份量。
問題三：新鮮母乳可唔可以同冷藏或者冷凍母乳混合保存？
唔建議，如果真係需要咁做，二十四小時內嘅母乳可以混合冷藏或者冷凍保存；超過二十四小時就建議另外保存。
混合保存時要注意：新鮮母乳係暖嘅，要首先放喺雪櫃半個鐘，之後先倒入已經冷藏或者冷凍嘅母乳入面，而且新加入嘅母乳量唔可以超過原本冷凍母乳嘅分量。
{adv here}
問題四：冷凍母乳點加熱？
將冷凍嘅母乳解凍畀BB食，可以透過以下兩個步驟操作：
1. 解凍冷凍母乳：放到雪櫃冷藏室解凍；或者喺流動嘅凍水入面慢慢增加水溫加熱母乳，直至母乳達到合適嘅溫度。
2. 冷藏母乳回溫：將儲奶袋或儲奶瓶放喺溫水入面加熱，唔可以將母乳直接加熱（直接煮滾或者微波爐加熱），回溫後再倒入奶樽畀BB食。
資料來源：壹讀
