準媽媽捱夜唔瞓覺，胎兒都會唔瞓覺？當然唔係， BB作息時間其實同媽媽唔一樣，因為佢哋喺媽媽肚入面大部份時間都係瞓覺，日頭媽媽醒嘅時候， BB瞓緊覺，媽媽夜晚瞓覺嘅時候， BB就會醒，其實佢哋清醒時間比較短。
{adv here}
{adv here}
可能有啲媽媽會話，既然BB作息時間同媽媽唔一樣，咁樣媽媽夜瞓係唔係對BB冇影響呢？
間唔中捱夜就冇咩問題，但係如果長時間捱夜就會對自己同埋BB造成一定影響。
1. 容易引發血壓升高，長期捱夜可能會引發妊娠高血壓，對媽媽同BB都有一定危險性。
2. 容易引起抵抗力下降，懷孕期間如果準媽媽病就會好麻煩，因為唔可以隨便食藥，所以一定要注意。
3. 會引起情緒問題，懷孕期間媽媽嘅情緒已經好容易焦慮、低落，如果長時間捱夜就會更加容易令情緒問題變得嚴重。
好多準媽媽都知道捱夜唔好，但係如果真係瞓唔著，懷孕期間準媽媽睡眠問題可以點改善呢？
1. 瞓覺前少飲水，夜晚食飯嘅時候盡量唔食利尿嘅食物或者湯水。避免瞓覺之後頻繁去廁所，影響睡眠。
{adv here}
2. 越係瞓唔著就越要早啲瞓低，畀自己有充足時間去入睡，瞓覺前盡量唔好玩電話，電子產品容易影響睡眠質素。
3. 選擇自己覺得舒適嘅睡姿，好多人認為懷孕期間左側睡比較好，但自己又唔習慣呢個睡姿就會瞓唔到。
平瞓對自己嘅腰部壓力太大，亦好容易造成BB缺氧，盡量左側睡，但間中亦可以右側睡或者平瞓。左側睡唔一定係90度側身，稍微少少側身就可以。習慣平瞓嘅媽媽可以喺身後墊一個小枕頭令身體傾向左，傾斜30度就可以。
資料來源：iFuun
