好多人都認為，準媽媽嘅飲食會影響bb嘅膚色，例如懷孕時飲豆漿、牛奶，就可以生一個皮膚白皙嘅bb。醫生指出，目前未有文獻證明懷孕婦女嘅飲食可以影響腹中胎兒嘅膚色，呢啲都係冇科學根據嘅說法，並非正確觀念。
{adv here}
{adv here}
bb皮膚顏色 由基因決定
胎兒嘅膚色係取決於皮膚嘅黑色素含量，而父母基因配對嗰一刻，就已經決定咗bb將來皮膚入面嘅黑色素含量，如果含量較多膚色就會偏黑，含量較少就會偏白。
想生出健康bb，孕媽們要記住以下10大飲食祕訣：
1. 盡量攝取新鮮、含有豐富維他命礦物質等營養素，無添加劑嘅食物。
2. 避免高鹽分、高糖分、缺少營養素但高熱量嘅食物。
3. 備孕期、懷孕期同埋哺乳期，應該停止飲酒習慣。
4. 有飲咖啡或茶類習慣嘅懷孕婦女，要注意攝取咖啡因份量同埋對消化系統嘅影響。
5. 胃藥入面常見嘅制酸劑同埋茶類含有嘅單寧酸都會阻礙鐵質吸收，應該注意補充鐵質。
6. 素食者較易缺乏維他命B12同埋鐵質，必要時可以按照醫生建議補充維他命或者鐵質。
{adv here}
7. 無法食用奶類製品嘅懷孕婦女，應該適量補充含高鈣同埋維他命D嘅食物，例如堅果類、綠色蔬菜來維持胎兒骨骼生長同埋避免骨質疏鬆。
8. 蛋白質係提供腹中胎兒發展所需嘅胺基酸，素食或無法食用奶類製品嘅孕婦，可以透過食用豆類製品或蛋來補充。
9. 切勿聽信偏方，食用來歷不明嘅補品。
10. 懷孕期唔係節食嘅時候，如果呢個時期嚴格限制卡路里的攝取，有可能導致母體有酮酸中毒嘅危險。
資料來源：華人健康網
