如果小朋友沉迷玩手機，家長用打罵嘅方式阻止小朋友，只會造成小朋友更加強烈嘅反擊。打罵小朋友係最愚蠢嘅教育方式，不單止會傷害到小朋友，家長自己都會因為感到後悔而難過。
3招令小朋友不再沉迷手機
1. 在家中訂立規則
家長可以為小朋友訂立使用手機嘅規則，例如咩時候可以使用手機，每次可以用幾耐。如果小朋友有聽家長話並遵守規則，父母可以給予適當嘅獎勵。相反，如果小朋友冇遵守規則，就要接受相應嘅懲罰。
2. 家長要多陪伴小朋友
當家長發覺小朋友沉迷玩手機時，就要反思自己係咪好少陪伴小朋友。其實，小朋友養成壞習慣好多時都係因為父母缺少陪伴，令佢哋唔知應該點樣運用自己嘅時間，先會寄情於玩手機。
3. 轉移小朋友嘅注意力
轉移注意力聽起來好難，因為好多家長都唔知應該將小朋友嘅注意力轉移到邊度，建議家長可以將小朋友嘅注意力轉移到書籍。家長要從小培養小朋友睇書嘅習慣，當小朋友習慣咗睇書，就會認為書籍係佢哋生活嘅一部分，自然唔會沉迷手機。
現在市面上有好多兒童繪本，專門為小朋友而設，呢啲繪本可以令小朋友學習到更多生活上嘅常識，家長又可以透過繪本增進同小朋友之間嘅感情，何樂而不為。
資料來源：每日頭條
