初生嬰兒需要日日沖涼嗎？沖涼時需要加沐浴露嗎？今次為大家解答有關初生嬰兒沖涼嘅5大常見問題。
1) 需要加沐浴露嗎？
初生嬰兒用清水沖涼就可以，用清水係最溫和嘅方法。沖涼時使用番梘或者沐浴露，容易令寶寶皮膚變得乾燥。
{adv here}
2) 需要日日沖涼嗎？
寶寶出世後一個月內，冇必要日日幫佢沖涼。沖得太頻密更容易令寶寶著涼同皮膚乾燥。
3) 咩情況下唔應該沖涼？
打預防針後
寶寶小時候需要定期接種各種疫苗，而接種疫苗後，有可能引起寶寶們嘅接種部位出現紅腫情況。如果接種疫苗後就幫寶寶沖涼，萬一接觸到唔乾淨嘅水，接種部位受到感染，一樣會出現紅腫反應，到時就難以區分係咩原因造成。如果係細菌感染造成，而家長冇及時處理，對寶寶嘅健康會造成不良影響。
頻密嘔吐時
如果遇到寶寶出現頻密嘔吐時，暫時唔好幫寶寶沖涼，因為沖涼時難免會移動寶寶，令嘔吐更嚴重。
{adv here}
餵奶後
餵奶後即刻沖涼，會令腹腔血液供應相對減少，影響寶寶嘅消化功能。其次由於餵奶後寶寶胃部會呈擴張狀態，呢個時候沖涼會容易引起嘔吐，建議餵奶後隔1~2小時先幫寶寶沖涼。
4) 沖涼時耳仔入水點算？
寶寶耳仔入水，應該先將寶寶打側瞓低放喺自己大脾上面，入水嗰隻耳仔向下，用手按住寶寶嘅耳根，然後快速鬆開，連續做幾次，將水“吸”出來；或者用手指輕輕按壓寶寶嘅嘴唇，引導佢做張開口嘅動作，重複幾次，水會從外耳道流出。
5) 嬰兒臍帶應該點處理？
可以將棉花用酒精浸濕，仔細清洗臍帶周圍皮膚嘅皺褶。
資料來源：39健康網
