煙民「吞雲吐霧」之後殘留喺衣物、牆壁、地毯、傢俬甚至頭髮同埋皮膚等表面嘅煙草或者煙殘留物就係「三手煙」，三手煙對小朋友嘅危害程度遠遠超乎我哋想像。
{adv here}
{adv here}
三手煙對初生寶寶危害最大
三手煙唔單止會被皮膚、呼吸道吸收危害健康，甚至會傷害到人嘅遺傳基因。因為初生寶寶呼吸速度比成人快，免疫力低，手同埋口接觸嘅動作會比較多，所以更加容易受到三手煙傷害。喺懷孕期，三手煙對胎兒嘅影響都好大，喺懷孕早期容易流產，喺懷孕中期容易令腹中嘅寶寶變成畸形、早產，或者寶寶足月出世但係體重偏低。
小朋友亦都較容易受三手煙影響。因為小朋友嘅體重比成人輕好多，同樣水平嘅有毒物質對小朋友造成嘅傷害係更大。初生寶寶同小朋友嘅免疫系統好脆弱，當佢哋喺地板、地毯上面爬或者玩嘅時候，好容易接觸到呢啲有害物質，皮膚吸收咗之後，最直接嘅後果就係會影響到初生寶寶嘅呼吸系統，例如急性支氣管炎、哮喘等。所以就算將小朋友同吸煙時產生嘅煙霧隔離，都唔代表可以保護到小朋友。
{adv here}
三手煙對小朋友嘅傷害係日積月累，研究指出，就算係低含量嘅煙霧微粒都會有機會導致小朋友認知能力出現缺陷，嚴重嘅話仲會影響小朋友日後嘅閱讀能力、智力發展等。小朋友喺二手煙、三手煙環境入面活動嘅時間越長，受到嘅危害就越大。
研究顯示，如果父母有喺寶寶身邊吸煙，寶寶體內嘅尼古丁含量係非吸煙家庭寶寶嘅50倍。如果父母喺室外吸煙，寶寶體內尼古丁含量都會比非吸煙家庭嘅寶寶高出7倍。同吸煙人士一齊生活嘅寶寶，經常會同吸煙嘅家人近距離接觸，或者喺地下、梳化、床上面爬同玩，就好容易會受到「三手煙」危害，對小朋友嘅神經系統、呼吸系統、循環系統等都會造成一定嘅傷害。
資料來源：壹讀
