對於新手爸媽來講，幫寶寶沖涼係一件相當棘手嘅事，如果寶寶唔配合，爸媽們就會更加手忙腳亂。想令寶寶乖乖沖涼，首先要搞清楚令寶寶抗拒沖涼嘅原因，先可以對症下藥。
{adv here}
1) 沒有安全感
寶寶一掂到水就大哭大鬧，好有可能係因為冇安全感，所以見到水會驚同抗拒。爸媽唔應該一下子將寶寶浸落水，而係慢慢用輕柔嘅動作放佢落水，同時不斷同寶寶講嘢或者唱歌畀佢聽，畀沖涼玩具寶寶玩，有助減輕佢對水嘅恐懼感，令寶寶可以放鬆心情。
2) 水溫不合適
寶寶皮膚好幼嫩，對冷熱嘅感覺好敏感。嬰兒沖涼水溫控制喺37~38℃為之合適，注意先加凍水再加熱水。最好準備一個沖涼專用嘅水溫度，冇水溫計嘅話，可以用手肘試水溫。
{adv here}
3) 時間不合適
沖涼時間唔適合都係導致寶寶抗拒沖涼嘅常見原因，例如啱啱餵完奶就沖涼會令到寶寶唔舒服。最好選擇喺下午幫寶寶沖涼，因為夜晚較容易著涼，或者安排喺寶寶晚飯前半小時沖涼，因為沖涼會消耗一定體力，可以提升寶寶食慾。另外，要注意餵奶後要隔1-2小時先幫寶寶沖涼，以免引起嘔奶。
4) 刺激到皮膚
寶寶嘅皮膚好幼嫩，沖涼時刺激到寶寶皮膚都會令寶寶越沖越唔舒服，以後就會更加抗拒沖涼。所以寶寶用嘅洗髮露、沐浴露一定要溫和，要選擇柔軟、吸水力強嘅紗布巾，以免將寶寶嘅皮膚擦損。沖完涼，最好幫寶寶搽潤膚露，既起到潤膚嘅作用，又可以按摩幫助寶寶放鬆。
資料來源：雪花新聞
