3歲前係寶寶智力開發嘅黃金期。加固後，爸媽們就要特別注意幫寶寶補充促進腦部發育嘅營養，咁樣寶寶先會越來越聰明！
今次為大家推介9種補腦食物，可以促進寶寶大腦發育，仲可以補充各種蛋白質同微量元素。
{adv here}
1) 魚類
魚類係促進寶寶智力發育嘅首選食物，特別係深海魚，好似三文魚、鱈魚等都含有豐富DHA。但要注意，深海魚嘅水銀含量較高，寶寶唔可以經常食。銀魚、黃花魚等淺海魚就可以經常畀寶寶食。海水魚含有豐富嘅維他命A、維他命D，礦物質含量亦都較高，仲可以幫寶寶補充DHA！
特別提醒：魚類每星期唔可以食超過3次，可以每星期畀寶寶食1次深海魚，其餘2次用淺海魚來代替。
以下係不同年齡嘅寶寶每日魚類攝取量：
8-12個月：25-40g/日
1-3歲：40-60g/日
3-6歲：60-100g/日
2) 黑芝麻
黑芝麻含有非常豐富嘅磷脂質，係寶寶生長發育必須嘅營養素。磷脂肪中含有嘅脂肪、氮同磷等化合物，都係腦組織同神經嘅主要營養成分。另外，黑芝麻嘅鈣質比牛奶仲要高，每100克嘅黑芝麻就含有100毫克嘅鈣，黑芝麻喺炒熟嘅過程中，鈣質等營養成分會釋放得更多，更容易被寶寶吸收。
一般寶寶加固後1個月，就可以嘗試食黑芝麻。啱啱開始時，因為寶寶嘅腸胃功能發育未完善，最好將芝麻磨成粉先畀寶寶食。
3) 粟米
粟米嘅營養價值非常高，含有葉黃素、玉米黃素，可以阻礙紫外線中嘅藍光，保護寶寶嘅視力。粟米仲含有豐富嘅亞油酸等多種不飽和脂肪酸，有保護腦血管同降血脂嘅功效。粟米中嘅谷氨酸，可以促進寶寶腦細胞代謝，有健腦嘅功效。
寶寶幾大可以食粟米？
寶寶加固後1個月左右就可以嘗試食玉米，但粟米粒外面嘅皮唔容易消化，最好將粟米粒嘅皮去掉。用手遂粒遂粒剝皮好花時間，手指都會好攰，可以將粟米煮熟，然後用食物處理器打成泥，再過篩篩走玉粟皮就方便快捷得多。
{adv here}
4) 藜麥
近呢幾年，藜麥成為咗最潮嘅超級食物之一，世界各地都開始盛行食藜麥做嘅各種美食。營養師認為，藜麥係最適合寶寶同老人吃的食物之一。
藜麥嘅蛋白質含量高達16%-22%，係植物當中唯一一種可以同肉類媲美嘅食物。藜麥含有寶寶生長必須嘅9種胺基酸，而且非常容易吸收，當中含有植物中缺乏嘅賴氨酸，鈣、鎂、磷、鉀、鐵、鋅、硒、錳、銅等礦物質，可以為寶寶補充微量元素，促進智力同骨骼發育。藜麥不含麩質，唔會令到寶寶過敏，經常食藜麥仲有助減少寶寶腹瀉、出現奶癬、濕疹等。
5) 油
寶寶加固後一定要食油，包括食用油同動物性脂肪。食用油含有豐富嘅磷脂、卵磷脂同膽鹼等，不單止可以補腦，對寶寶嘅發育都有好大幫助。
寶寶可以食嘅油有：對眼睛好嘅亞麻籽油，增強免疫力嘅核桃油，促進智力發展嘅花生油，改善寶寶便秘嘅芝麻油等。
6) 海帶
海帶含有豐富嘅亞油酸、卵磷脂等營養成分，有健腦嘅功效。海帶等海藻類食物中嘅磺類物質，係寶寶大腦中不可缺少嘅營養素。海帶可以為寶寶補充碘質，預防甲狀腺等疾病。
寶寶幾大可以食海帶？
8個月以上嘅寶寶可以食。寶寶腸胃消化功能未完善，海帶唔容易消化，所以每次只可以畀寶寶食少量，而且一定要煮到好爛、切碎畀寶寶食。
7) 花生
花生嘅蛋白質含量比牛肉仲要高，可以為寶寶補充鐵、鈣、維他命B同維他命E。另外，花生仲含有豐富卵磷脂同腦磷脂，有助於寶寶嘅大腦發育。
寶寶幾大可以食花生？
1歲以上嘅寶寶可以食。因為花生喺致敏食物排行榜中排第一位！寶寶食咗很容易過敏，可能會造成哮喘、濕疹等問題，亦有可能會唔小心卡住喺喉嚨，發生危險。初初畀寶寶嘗試食花生，最好用食物處理器打碎，做成粉，放少少入輔食。
8) 牛奶
牛奶係寶寶最好嘅營養補充來源，無論係配方奶或者牛奶都含有豐富嘅優質蛋白同鈣質，以及大腦必須嘅胺基酸。而且牛奶中嘅鈣最易被寶寶吸收，係腦代謝不可缺少嘅重要物質。
9) 雞蛋
蛋類營養非常均衡，而且含有DHA，雖然含量不及魚類，但雞蛋中嘅蛋白質、磷脂、維他命A和維他命B，卵磷脂、蛋鹼等，都有健腦補腦嘅作用。
最近有研究證實，蛋黃中嘅卵磷脂被酶分解後，會產生豐富嘅乙醯膽鹼，進入血液後會好快到達腦組織中，從而增強寶寶嘅記憶力。
資料來源：大時代
