最新研究發現，不單止女性需要擔心自己嘅生殖能力，男人嘅精子質量喺35歲之後就會下降。到底有咩習慣會影響精子嘅健康呢？
{adv here}
{adv here}
1. 鍾意食肉
好多男人都鍾意食肉，容易攝取太多蛋白質，雖然蛋白質係製造精子嘅主要原材料，但係如果維他命攝取量唔足夠，就會令受孕變得困難。所以，有打算生兒育女嘅男士進食肉類要有節制。
2. 唔鍾意食蔬菜同水果
好多男人都唔鍾意食蔬果，但蔬果含有嘅維他命，正正就係男性生殖生理活動需要嘅。例如維他命A同維他命E可以延遲衰老、減慢性功能衰退，對精子嘅生成、提高精子活躍度都有好好嘅效果。如果男性長期缺乏蔬果嘅維他命就可能影響到前列腺正常發展，令精子變少或者影響精子正常活動能力，嚴重嘅可致不孕。
{adv here}
3. 煙酒過多
研究發現，食煙超過一年嘅男性嘅精子畸形率超過20%，食煙時間同精子畸形率成正比增長。每日食30支煙或以上嘅男性，精子存活率只有40%，而酒精就會導前列腺功能下降，令精子嘅染色體異常。如果呢啲唔健康嘅精子同卵子結合，就會令BB先天性畸形或者智力下降。
資料來源：每日頭條
