夏天又熱又濕，唔單止大人難受，就連BB嘅皮膚都出晒紅疹！除咗天氣因素之外， BB皮膚敏感惡化嘅元兇其實係3大洗澡迷思！
{adv here}
{adv here}
迷思一：要向防腐劑say no！
有啲BB沖涼產品標榜「零添加防腐劑」，近年亦有好多父母自製不防腐嘅手工梘，醫生對呢啲產品頗為擔心，因為沖涼用品通常都放喺浴室，浴室溫度高又潮濕，有利微生物滋生，如果冇防腐成份，就好容易受黴菌汙染！沖涼液一定要添加適量嘅防腐劑，避免產品喺高溫潮濕嘅環境迅速變壞，對皮膚造成影響。
迷思二：天然有機、無香精，最安心？
部份家長都會選擇添加有機成分嘅產品，覺得有機就係安全、健康，但係醫生提醒有機唔代表100%唔致敏，常見嘅「天然洋甘菊萃取」的確有抗炎功效又唔致敏，但係有啲天然有機成分就大有刺激性，仲可能引起過敏反應。真正安全嘅產品應該由生產到製造層層把關，要經過專業檢驗。醫生指出，專業抗敏認證ECARF先係安心保證。
{adv here}
迷思三：清水洗最好？
有啲家長認為BB沖涼唔需要用沖涼液，只要用清水洗乾淨就可以。由醫學角度嚟睇， BB皮膚脆弱，角質層未成熟，皮脂、汗腺亦未發育完成為皮脂膜，難以預防細菌入侵。日常生活周圍都有好多污糟物質，雖然對大人冇影響，但就好容易刺激到BB嘅皮膚，加上高溫潮濕嘅環境有助細菌滋生，清水沖涼或者隔日沖涼喺香港係唔適合！
每天15分鐘pH5.5，提升皮脂保護力
醫生指出，每日15分鐘嘅沐浴清潔可以幫助BB維持乾淨健康嘅狀態。家長可以幫BB選擇pH5.5嘅沖涼液同埋乳液，呢個pH值係最接近皮膚嘅原始微酸性，幫助BB發展天然皮膚屏障，強化自身皮脂保護力。
資料來源：華人健康網
