喺BB瞓覺前，用以下3招就可以順利幫BB戒人奶或者奶粉。
第1招：陪BB瞓覺時傾計
習慣餵奶氹BB瞓覺嘅媽媽，可以先喺月曆做記號然後畀BB睇，再同佢講：「仲有幾日就要同奶奶講拜拜啦！」就算BB半夜仲係扭計，呢個時候可以一邊拍吓佢背脊一邊同佢傾有趣嘅事情。雖然要用好長時間同埋好有耐性咁氹佢，但係BB慢慢就唔會再扭計，同時成功戒奶。
{adv here}
{adv here}
第2招：瞓覺前同BB一齊睇圖書
除咗傾計，仲可以養成睇圖書氹小朋友瞓覺嘅習慣，轉移小朋友對乳房嘅注意力。同小朋友一齊瞓喺床上一齊睇圖書，營造瞓覺嘅氣氛，或者瞓喺媽媽懷裏入睡代替媽媽溫暖嘅乳房，咁樣可以令小朋友有安全感，自然就會唔記得乳房嘅存在。
第3招：身體貼著BB入睡
如果想小朋友自然戒奶可以慢慢減少小朋友對乳房嘅需求，例如隔三至四日先用埋身餵嘅方式氹小朋友瞓覺。只要同小朋友有身體接觸就可以令佢哋感到溫暖有安全感， BB可以好似樹熊一樣趴喺媽媽身上瞓覺，連續幾個晚上，之後小朋友會慢慢用呢個方式趴喺媽媽身上瞓覺，代替飲奶入睡嘅習慣。
{adv here}
另外，有啲小朋友對媽媽嘅乳房好執着所以好難戒奶。如果因為小朋友要返學而勉強戒奶，小朋友要面對返學嘅挑戰，又要同奶奶講拜拜就會同時承受雙重壓力。可以先觀察小朋友嘅情況之後再嘗試。如果唔得嘅話，就擇日再試，一定要有耐性。
資料來源：華人健康網
