雖然水喺人體內扮演重要角色，但其實6個月以下嘅嬰兒唔需要另外飲水，因為母乳同埋配方奶有八成都係水，單純畀bb飲水只能夠補充水分，仲會佔用到胃容量，反而無法攝取成長所需嘅營養素，例如醣類、蛋白質及脂肪等，攝取過量嘅水分，甚至有造成水中毒嘅危險。
{adv here}
{adv here}
嬰幼兒嘅腎臟起碼到2歲以上先發育完成，而腎臟主要功能就係排除體內多餘廢物，而水分就係經由腎臟排出成為尿液。當小朋友腎臟尚未發育完全時，一下子飲太多水，腎臟無法排出，就會令腎臟運作超出負荷，導致水中毒。水中毒症狀包括嗜睡、面無表情、遲鈍、精神錯亂、激動、痙孿等，嚴重甚至會死亡。
{adv here}
因此建議畀bb飲水時，必須按照體重來提供份量，喺有正常飲奶嘅情況下，建議每日可攝取嘅水量唔超過每公斤30ml，同埋必須分幾次畀bb飲，以一個5公斤bb為例，一日嘅額外攝取總水量唔可超過150ml。一般而言， 4個月以下嘅bb完全唔飲水都冇問題，除非已經開始加固，減少奶量攝取時，如果冇額外補充水分，就會擔心水分不足。
資料來源：壹讀
