Posted on Leave a comment
PT話題

BB濕疹超級痕越抓越嚴重? 4個Step改善濕疹問題

濕疹係一種敏感皮膚病,而食物過敏而引起嘅濕疹喺一歲以下嘅嬰兒比較常見。想知道bb嘅濕疹是否由食物過敏引起,就要睇吓bb有無其它症狀,例如嘔吐、腹瀉(出血)、體重冇增加等。

隨住小朋友長大,過敏性濕疹喺3~4歲後會慢慢減少,發病率會下降,大部分都可以完全好返,只有大約10%會持續終生。

{adv here}

濕疹有分急性同埋慢性,其中急性濕疹會突然病發,發作部位嘅皮膚會出現乾燥、紅腫、痕癢等症狀,身體唔透風嘅部位,好似關節位等特別容易出濕疹,bb忍唔住就會抓,結果越抓越嚴重。而引起急性濕疹嘅原因包括天氣變化、發燒、感冒、 接觸致敏原等等。

要控制濕疹,就必須做好以下4個步驟:

1. 止痕
對於嬰兒或兒童來講,止痕係控制濕疹嘅第一個步驟,亦都係最重要嘅步驟。當bb抓皮膚時,濕疹部位皮下會分泌更多組胺,令皮膚更加痕癢,濕疹仲會蔓延加重。皮膚一旦被抓損會好容易引起感染。

{adv here}

家長可以防止小朋友?痕同埋用止痕藥物來控制。防止?痕嘅方法包括修指甲,喺濕疹皮膚上穿上敏感度低、薄嘅棉質衣服,幫bb戴上手套等。藥物方面可服用口服止痕藥或者塗抹止痕藥膏。

2. 保濕
濕疹部位嘅皮膚特別乾燥,保濕有助舒緩痛癢症狀。除咗塗抹潤膚霜,仲應該儘量減少沖涼嘅時間同次數,用暖水沖涼、溫和嘅沐浴露,減少吹風,喺乾燥嘅房間使用加濕器等。

{adv here}

3. 消炎
嚴重嘅濕疹會紅腫、發炎、被細菌或者病毒感染而引起皮膚表皮分泌出黃色膿水或者起水泡。所以要控制濕疹就必須減低發炎嘅機會。輕度發炎可以塗抹消炎藥膏,嚴重就要服用消炎藥。

4. 預防
避免有可能引起濕疹嘅致敏原。如果診斷後確認濕疹係由食物過敏引起,就要避免食用最常見誘發嬰幼兒濕疹嘅食物,例如牛奶、雞蛋、黃豆、小麥,一歲以上仲有花生同埋海鮮等。

資料來源:大紀元

標籤:
發佈回覆

你的電郵地址並不會被公開。 必要欄位標記為 *