好多父母都唔太清楚應該幾時幫BB戒尿片同訓練佢去廁所。其實BB幾時開始有意識想去廁所，係同佢嘅大腦同埋體內機制發育有關，所以唔係提早訓練就有用，一般BB去到18至36個月嘅時候，就會出現有意識排尿嘅身體訊號，如果BB仲未出現呢啲訊號，就唔應該過早訓練。
{adv here}
{adv here}
如果家長過早訓練BB去廁所，就會對小朋友造成壓力同埋挫敗感，如果呢個時候被家長責罵，佢哋嘅內心就會產生一種厭惡感同埋排斥，嚴重仲會出現便秘、拒絕排便等等反應。相反，太遲訓練都有問題，因為佢哋嘅心理同身體都已經準備好，但係家長遲遲唔訓練，仲係靠尿片，就會令佢哋內心造成一定壓力，同時喺同齡小朋友面前好容易造成自卑心理。
訓練BB嘅時候一定要有耐性，有啲BB喺20個月大日頭就已經可以控制排尿，但係大多數BB要到二至三歲先學識控制，訓練時需要耐性，萬事起頭難，訓練佢哋嘅時候唔好責罵，家長一定要好好指導，慢慢引導佢哋，避免帶來太大嘅心理壓力，最好男孩由爸爸引導，女孩由媽媽引導，咁做可以畀BB意識到男女有別。
{adv here}
家長要觀察BB嘅身體狀況變化，出現以下幾個訊號就可以開始訓練BB去廁所：
1. 尿片保持二至三個鐘乾爽，證明BB膀胱肌肉開始忍到尿。
2. 排便時間開始有規律，大便形狀開始成形，唔再便秘。
3. 尿片上排尿或者便便之後會覺得唔舒服而開始扭計。
4. 想去廁所嘅時候會踎低或者直接話俾你知。
5. 對去廁所有興趣，會模仿去廁所嘅動作。
6. 對尿片產生厭惡感，會做出除褲嘅動作。
資料來源：壹讀
