有一種焦慮叫分離焦慮
返幼稚園可以話係人生中嘅第一次分離。因為分離而帶來嘅恐懼會令小朋友感到焦慮，但只要畀佢哋足夠嘅關懷，大部分小朋友都可以喺短時間內適應校園生活。
{adv here}
{adv here}
導致孩子分離焦慮的原因
1. 小朋友喺屋企被「過份保護」。咁樣會導致小朋友嘅自理能力差，返幼稚園要自己食飯、去廁所等，難免要承受一啲小挫折。
2. 家長送小朋友返學時嘅態度唔夠堅決。見到小朋友喊，自己都忍唔住喊，有啲家長甚至比小朋友喊得仲嚴重。其實，家長咁做反而會強化咗小朋友嘅不良行為。
3. 有啲家長送小朋友返學時又太過強硬。小朋友扁一扁嘴就即刻鬧，佢唯有壓抑住自己嘅恐懼，喺幼稚園過得誠惶誠恐。
4. 家長們一啲不經意嘅言行會加重小朋友嘅焦慮。例如，一啲恐嚇性嘅說話，好似「你再喊，我就唔嚟接你」；或者放假時同小朋友講「你再唔聽話我就送你返學校」等等，無形中將返幼稚園當成一種懲罰。
{adv here}
如何應對分離焦慮？
家長們首先要改變自己對小朋友入學問題嘅態度。最好喺開始嘅一段時間由固定家長接送，令小朋友養成習慣。晚上返到屋企，鼓勵小朋友講出喺幼稚園發生嘅開心事，做一個好嘅「聆聽者」。
家長亦都要糾正小朋友嘅不良習慣，培養佢哋嘅自理能力。如果小朋友有特別鍾嘅公仔或者小物件，可以畀小朋友帶埋返學，話畀小朋友知爸爸媽媽唔喺度嘅時候，就由佢來陪伴bb。
資料來源：每日頭條
