「催生」即係使用藥物令身體模擬生產狀態，而孕媽必須已經出現咗有規律陣痛，但子宮頸未軟化，就需要使用藥物幫助產程進展。
{adv here}
{adv here}
何謂過期妊娠
懷孕超過42週就屬於過期妊娠，到咗呢個週數可能會面臨胎盤老化，功能衰退，令胎兒無法獲得充足嘅營養同埋氧氣，胎兒太大會增加自然產困難，羊水變少會增加子宮收縮對胎兒造成嘅壓迫，影響血液循環，胎便仲有可能被擠出，再透過羊水被胎兒吸入，造成吸入性肺炎等。
因此，喺懷孕40至42週之間，婦產科醫師會評估母體同胎兒嘅情況，如有必要提前生產，就會評估產婦嘅狀況係咪適合使用催生藥物。
聽講催生會比自然產更痛？
通常自然產嘅過程係循序漸進，而痛楚係可以漸漸被適應的，所以如果喺某特定時間點增加子宮肌肉收縮強度，突如其來嘅壓迫相對會造成較強烈嘅痛楚，因為咁，產婦可能會覺得催生比自然產痛，但事實上催生唔會真係痛啲，只係因為唔夠時間適應所以感覺上會比較痛。
{adv here}
催生的風險
除咗藥物對人體嘅副作用之外，催產素嘅強化宮縮反應因人而異，有啲孕媽可能會因為催生失敗而改為剖腹產，相反，宮縮反應太強亦有可能引發其他問題，如果產婦前一胎嘅生產方式係剖腹產就必須考慮子宮傷口復原情況，因為強烈宮縮有可能造成子宮破裂；一般自然產產婦，亦有可能因為催生時間太長，加上子宮肌肉過度收縮，反而令產道無力，或持續給予高劑量藥物，產後出現子宮乏力，導致大出血。
醫生會依照個人狀況調整強化宮縮藥物，過程中如果出現過度刺激嘅可能，佢會評估是否應該停藥或者減低劑量，相信主治醫師嘅判斷，加上現時嘅醫療技術同埋豐富資源，相信媽咪同胎兒都可以平安過渡。
資料來源：每日頭條
