細心嘅父母應該會留意到，啱啱出世嘅bb喊極都冇眼淚，覺得熱又唔會出汗，點解會咁嘅？
根據生活科學（Live Science）網站報導，加州大學戴維斯分校兒童醫院（UC Davis Children’s Hospital）嘅兒科醫生提姆伯林（Sage Timberline）表示，眼淚係用來保護眼睛，可以保持雙眼濕潤，係不可或缺嘅。而喜怒哀樂等情緒變化都會觸發身體嘅反應，令眼淚流出。
{adv here}
{adv here}
雖然初生嬰兒已經有淚管，但尚未完全發育，因此只能夠產生保持眼睛濕潤嘅淚水，一般喺出生後3~4週，bb嘅淚管先至發育成熟，呢個時候先可以製造出情緒性淚水。
{adv here}
初生嬰兒唔止眼睛乾，皮膚都一樣咁乾。無論天氣幾熱，bb出世後嘅頭幾週幾乎唔會出汗，因為汗腺仲未完全發育。正因為咁，照顧者應該多啲留意bb有冇過熱嘅跡象，例如身熱發熱、皮膚發紅、呼吸急促、進食緩慢、手腳活動量減少等。
資料來源：大紀元
