南瓜係一種super food(超級食物)，超級高纖又超級抗氧化，可以解決小朋友排便問題。而且，南瓜對腸道有益，六個月以上BB嘅副食品加入南瓜，就可以攝取到足夠嘅纖維。
番薯屬於高纖、普遍被認為可以幫助排便嘅食物，但營養師指出，番薯食得多好容易造成脹氣，所以相比之下，南瓜仍然係比較適合小朋友同埋BB食。
除此之外，南瓜含有多種營養素，包括蛋白質、醣類、鐵、膳食纖維、胡蘿蔔素、維他命A、維他命B雜、葉黃素等。只要花多啲心思配搭其他蔬果同埋蛋白質，就可以幫助小朋友舒緩因為水份蔬果攝取不足或者揀飲擇食而造成嘅便秘問題。
小米南瓜粥
適合8～10個月BB
準備食材：小米、南瓜。
做法：
1. 南瓜洗凈對半切開，去掉瓜子，上鍋蒸10分鐘，直至軟爛即可。
2. 小米洗凈放入開水鍋中， 用小勺將南瓜刮成泥。
3. 將南瓜泥放入小米鍋中一齊煮至粘稠即可。
南瓜魚粥
適用於十個月以上BB
準備食材：南瓜30克，魚10克，白米30克，蛋1/2個，鹽，麻油。
做法：
1. 南瓜去皮挖籽並切成小粒，魚肉剁碎備用。
2. 雞蛋打散備用。
3. 白米略微淘洗，加入南瓜丁、魚肉碎、蛋液、調味料，開水300毫升，稍微攪拌，放入鍋蒸熟。
資料來源：每日頭條
