嬰兒玫瑰疹又稱為小兒急疹，係嬰幼兒常見嘅急性發熱性出疹，多數喺兩歲以下嘅嬰幼兒身上出現，出世之後6至10個月係發病高峰期。
嬰兒玫瑰疹係散發病例，一般都係非流行性，冇明顯嘅季節性，亦都冇種族同埋性別之分。有少部分嘅玫瑰疹係由人類皰疹病毒7型引起。但係皰疹病毒7型引起嘅玫瑰疹一般發病都比較遲，同埋出疹嘅同情況都比較輕微。
{adv here}
{adv here}
嬰兒玫瑰疹有乜嘢症狀？
玫瑰疹特徵係突然發燒，但冇明顯病因，通常會燒到攝氏39.5度以上，甚至高達40.5度，仲會持續燒3至5日。因為暫時性腦壓上升而令到有頭痛症狀，有啲小朋友會有煩躁不安嘅現象。但係同一般感冒唔同嘅係，通常都唔會影響到小朋友嘅精神同埋體力，所以佢哋唔會好似患感冒時咁攰，只係喺退燒嘅同時，全身都會出紅疹。
玫瑰疹1年4季都有可能會發病，特別係喺春天、秋天最多，大多數發生喺6個月大至 2 歲嘅嬰幼兒身上；不過，只有2、3個月大嘅嬰兒，或者大到4、5歲嘅小朋友，都有可能會出玫瑰疹。只要針對症狀，持續治療3至5日之後，出完疹就可以完全恢復健康，不單止唔會甩皮，而且仲唔會留疤痕，可以話係「來無蹤、去無影」。
{adv here}
另外，玫瑰疹唔同麻疹、德國麻疹，因為麻疹同埋德國麻疹都係喺最高燒嘅時候出疹，但玫瑰疹就係退燒之後先會出現，通常身體首先出疹，然後再向頭部同埋四肢發展。雖然會令小朋友有發燒嘅現象，但玫瑰疹一般嚟講都唔會造成任何不良影響，只要及時接受治療就會完全康復。
資料來源：壹讀
