熟悉等於好食？
一項研究發現，小朋友對一種食物接觸得越多，就越容易接受。換言之，對偏食嘅小朋友來講，熟悉就等於好食。因此專家建議，要盡量俾小朋友喺4個月~ 2歲之間嘗試多啲不同種類嘅食物。
{adv here}
另外，小朋友拒絕食物時，唔好灰心，亦都唔好嬲。往往，小朋友嘗試10次以上就會慢慢接受。
美國營養師埃林．薩特（Ellyn Satter）表示，面對小朋友嘅偏食，最大嘅禁忌就係強迫進食。如果小朋友唔想食，唔好強迫佢哋，唔好發表評論，只要第日再試就好了。
{adv here}
如何引導偏食孩子？
改善兒童偏食時，除咗唔強迫小朋友，以下幾點都要注意。
有啲父母習慣提供甜食作為獎品，利誘小朋友進食佢哋「應該」食嘅食物。例如：「如果你食晒呢啲西蘭花，一陣可以食雪糕！」
專家表示，呢個都唔係一個好方法，因為咁做會提升甜食喺小朋友心目中嘅渴望，並意味著，佢哋「應該」食嘅食物一定係難食嘅。
{adv here}
此外，唔好每一餐都依照小朋友嘅喜好準備食物，亦都唔好令小朋友覺得佢哋需要「特別」嘅食物。小朋友應該同父母一同用餐，喺過程中，家人仲可以透過分享食物增進感情。
最後，如果小朋友偏食，父母除咗關注小朋友嘅飲食，更應該注意自己嘅飲食行為。換言之，如果大人唔鍾意食蔬菜，又點樣指望小朋友鍾意食呢？
資料來源：大紀元
