小朋友出世之後，需要喺爸爸同媽媽嘅呵護照顧下健康成長。爸爸同媽媽都係小朋友最親嘅人，不過兩個表達愛意嘅方式就有好大分別。喺照顧小朋友方面，爸爸湊寶寶同媽媽湊寶寶有乜嘢分別呢？
{adv here}
{adv here}
1. 細心媽媽 vs 粗心爸爸
一般女性都比較貪靚，小朋友跟住媽媽嘅時候，媽媽會幫囡囡打扮得靚靚女女、幫囝囝打扮得型型帥帥。小朋友著衫嘅顏色配搭、襯乜嘢鞋、梳乜嘢髮型等，媽媽都花盡心思諗足半日。而大部分爸爸就冇媽媽咁細心，帶小朋友出街嘅時候，隨便換件衫就出門，甚至小朋友身上嘅衣物污糟咗，可能都留意唔到。
2. 感性媽媽 vs 理性爸爸
通常女性都會感性一啲，小朋友同媽媽相處嘅時候，喺思想上可能會比較自在，想講乜嘢就講乜嘢，亦都唔使擔心得唔到媽媽嘅回應。但係同爸爸一齊嘅時候，小朋友會因為爸爸嘅威嚴而有所顧忌，甚至會唔敢同爸爸講嘢，例如小朋友都會有一啲稀奇古怪嘅想法，同爸爸講完之後，可能爸爸就只會回應一個「嗯」字，然後兩個人就相對無言。
3. 謹慎媽媽 vs 愛冒險爸爸
媽媽心思比較細膩，顧慮嘅嘢會比較多，小朋友同媽媽一齊嘅時候，可能呢樣唔做得，嗰樣唔做得，小朋友想玩泥沙嘅時候，媽媽會話「好污糟，唔準玩」; 想食零食嘅時候，媽媽就會話「冇營養，唔準食」，小朋友做乜嘢都俾媽媽管住，唔可以放開手腳做事。同爸爸一齊就唔同，爸爸「粗心」嘅性格其實代表佢哋更有冒險精神，例如同媽媽一齊享受唔到玩「飛高高」嘅待遇，但同爸爸一齊嘅時候就可以。
{adv here}
媽媽「謹慎」，可以好好咁保護小朋友令佢哋冇咁容易受傷，同時亦都令小朋友知道做事要小心謹慎；爸爸「冒險」，有時候小朋友跌倒之後都唔會安慰佢哋，令小朋友自己企翻起身，咁樣可以培養小朋友獨立自主嘅意識，令小朋友唔會咁嬌生慣養。
雖然爸爸同媽媽湊小朋友方面有好大分別，但係只要雙方可以互補不足，小朋友嘅成長路上得到爸爸媽媽嘅愛，先可以好開心快樂咁成長。
資料來源：雪花新聞
