成日聽人講寶寶食母乳有好多好處，食母乳嘅寶寶會聰明啲。亦都正正因為呢一點，令選擇用奶粉餵寶寶嘅媽媽好擔心。今次就同大家用研究結果嚟分析一下。
{adv here}
{adv here}
DHA係影響寶寶大腦發育嘅關鍵因素，奶粉同母乳入面嘅DHA，邊一種好啲？
餵哺方式係會影響寶寶嘅認知能力，專家做咗多項研究，其中一項發現，母乳餵哺嘅寶寶可以喺認知能力測試得到較高嘅分數，於是大家都認為母乳餵哺嘅寶寶更加聰明。後來仲有研究指出，可能係母乳入面嘅DHA具有促進寶寶嘅認知能力嘅作用。但其實人體本身係造唔到DHA，所以母乳入面嘅DHA含量全部都係媽媽喺日常飲食入面吸收返嚟。
一份總括咗84篇學術論文嘅研究發現，當中有好多研究發現母乳餵哺可以促進嬰兒智力發展，但同樣有好多研究顯示兩者並無關係。其寶單單用母乳餵哺未必會直接影響到寶寶嘅智商，反而母親嘅認知能力同埋家庭社會地位因素先係關鍵所在。
{adv here}
母乳餵哺係一種教養方式
支持母乳餵養，唔單止係因為母乳對寶寶嘅健康成長有好多好處，更加係因為喺餵母乳嘅過程入面，媽媽同寶寶會形成一種堅固同埋無法取代嘅連繋。另一方面，媽媽可以透過餵母乳去了解自己嘅寶寶，無論佢嘅個性、佢嘅偏好、佢嘅一舉一動媽媽都會更了解。
總言之，母乳始終係最適合寶寶嘅食物，亦都係最安全、最經濟嘅選擇。如果條件許可，媽媽應該儘量畀寶寶食母乳。媽媽們無論最後選擇用乜嘢方式餵寶寶，呢個都只係寶寶成長過程入面嘅一小部分，各位媽媽唔需要太困擾。隨著寶寶嘅成長，為寶寶提供均衡嘅日常飲食，良好嘅生活習慣同埋理性嘅教育方式，先係最重要。
資料來源： 每日頭條
