青春期嘅少男少女拍拖，父母都會特別擔心，小則影響學業，大則搞出人命。青春期嘅子女，對於父母嘅「過份擔憂」特別反感，所以就算拍拖都唔會公開，會千方百計去隱瞞，唔想俾父母介入自己嘅生活。
{adv here}
15歲嘅樂宜，同同班同學家成正在熱戀中，每天放學，家成都會送樂宜返屋企，兩個人坐喺附近樓梯傾偈，直到樂宜爸媽返到屋企之前，兩人先至依依不捨咁道別，問佢點解不肯話畀爸媽知佢拍拖？佢話：「佢哋從小就提醒我，要等到讀大學先可以拍拖，近呢幾年仲誇張，成日拍拖會影響學業，毀我前程。」
{adv here}
講到呢對小情侶有冇親密接觸，樂宜答得好直接：「我哋係好親密，不過就仲未咩囉，學校有教點樣避孕，我都有準備避孕套。」
或者你會問我，以後囡囡長大，你都會面臨呢一天，點可以唔擔心？子女始終都會長大、戀愛、結婚、生仔，由佢出世嗰一刻開始，已經係一個獨立個體，父母只可以從旁引導、提醒，而唔係控制、監視，喺子女眼中，佢哋偷偷摸摸嘅作為，就係為咗避免父母嘅過份擔憂，如果為人父母盡量節制自己嘅干預，子女又點會唔願意同家人分享呢？
資料來源：ETtoday
