過期懷孕會點樣？
懷孕42星期或以上，稱為過期懷孕。過期懷孕嘅發生率佔懷孕總數嘅5%至12%，寶寶嘅圍產病率同死亡率都會增高，懷孕時間越長情況會越嚴重。懷孕43星期嘅寶寶死亡率係足月正常出世寶寶嘅3倍，44星期更加係足月正常出世寶寶嘅5倍。第一次懷孕嘅準媽媽過期懷孕嘅危險性高過有經驗嘅準媽媽。
{adv here}
{adv here}
過期懷孕嘅危害有幾大？
1. 胎盤功能不足令寶寶缺氧
過期懷孕42星期或以上，胎盤就已經開始老化，功能減退，胎盤供應畀寶寶嘅氧氣同埋營養唔足夠，咁樣會令寶寶容易缺氧，情況嚴重可能會造成神經系統後遺症，包括智力障礙。
2. 羊水減少
過期懷孕嘅時候，因為羊膜分泌機能降低，羊水量就會減少，子宮四周圍嘅壓力會直接迫住寶寶，容易令寶寶嘅肌肉變畸形、足部畸形；有時子宮直接壓迫寶寶嘅胸部，可能會令寶寶嘅肺部發育唔健全。
3. 容易發生難產
因為寶寶過「熟」，會令寶寶頭骨變硬、顱縫會比較窄，喺生產過程入面寶寶嘅頭部難以透過變形適應產道，令寶寶頭部下降困難，容易導致難產。
{adv here}
4. 產後併發症
因為寶寶過度成熟，會增加生產嘅時間，可能要超過24小時，咁樣會令產道裂傷、增加感染風險同埋產後大量出血嘅機會等等，懷孕媽媽產後併發症嘅發生率都相對較高。
準媽媽可以點樣預防過期懷孕?
1. 適當嘅運動
懷孕37星期或之後，如果準媽媽產檢一切正常，就要做好生寶寶嘅準備，可以適當咁做運動，例如散步可以幫助寶寶下降入盆，鬆弛返骨盆韌帶，為生寶寶做好準備。
2. 胎心監護
懷孕超過預產期一星期內，準媽媽要隔日去醫院做胎心監護，每日早、午、晚都要監測寶寶嘅胎動情況，如果有異常就要即刻去醫院。
3. 懷孕41星期要到醫院催生
懷孕42星期之後準媽媽嘅胎盤已經老化，佢嘅功能會變差，羊水都會變少，呢個時候催生嘅效果已經唔理想，所以只要過咗40星期寶寶仲未出世，準媽媽就可以去醫院催生。
資料來源：每日頭條
