家長們都希望提供一個理想生活環境畀小朋友，但過份保護反而會令孩子體質變差，一到春天同秋天就會成日病。其實歸根究柢就係因為父母太過保護，令小朋友缺少咗鍛煉嘅機會。好多家庭都會畀小朋友飲蒸餾水，擔心煲過嘅自來水會有雜質，其實蒸餾水太過「純凈」，反而會令小朋友攝取唔到身體所需嘅礦物質。
{adv here}
春天秋天空氣會比較多塵埃，呢個時期寶寶好容易出現過敏症狀，見到寶寶身上出紅疹，父母都會好心急。但係心急都冇用，想解決過敏問題，應該儘快搵出致敏源。
花粉、寵物等都有可能導致寶寶過敏，家庭環境都好重要，有啲父母長時間開冷氣，都有可能成為致敏源，定期清洗冷氣機隔塵網，注意溫度同濕度嘅控制，都可以有效避免塵蟎滋生。
{adv here}
打造無菌環境令小朋友遠離疾病，其實係治標唔治本，最好嘅方法係提升小朋友嘅抵抗力。其實畀小朋友接觸一定嘅細菌，可以刺激到人體免疫功能增強，生活喺溫室嘅小朋友，反而會喪失抵抗力。
想寶寶身體好，除咗引導佢哋養成良好嘅衛生習慣，仲要注意日常嘅鍛煉，多啲帶小朋友出外參與有意義嘅活動，有助加強寶寶體質。
資料來源：瀘州新聞網
