燕麥含有豐富嘅膳食纖維，唔單止營養豐富，仲有飽足感，因為燕麥咁多好處，有好多人會用嚟做早餐或者小食。不過，近嚟網上瘋傳：「燕麥有催產嘅作用，懷孕媽媽千祈唔好食，以免流產。」嘅講法，令到好多懷孕媽媽擔心。燕麥真係有謠傳講到咁得人驚？我哋不如聽下中醫師點講！
{adv here}
{adv here}
網上流傳：食燕麥容易增加孕婦流產嘅風險
從事中醫多年嘅吳建東醫師同大家講，從來冇聽過燕麥有催產嘅功效，會引致孕婦流產嘅講法。根據《本草綱目》記載：「燕麥味甘、性平，無毒，能充飢潤腸。」即係話燕麥食起來有自然嘅甜味，冇毒性，性質平和、止肚餓、仲可以潤腸通便，促進腸胃嘅蠕動。
更重要嘅係，燕麥對比起華人嘅主食白米，性質甚至更平和，因為白米味甘、性質帶點寒。因此喺適量嘅食用下，燕麥對比起白米更有益，各位準媽媽唔需要擔心有關燕麥會催產或者滑胎等副作用。除非大量進食，又或者係對燕麥過敏，先至有可能引起輕微嘅攪肚痛、肚痾等情況。
{adv here}
所以各位準媽媽可以安心食用燕麥，特別係飽受便祕之苦嘅準媽媽嚟講，燕麥真係佢哋嘅恩物，因為燕麥含豐富嘅膳食纖維，適量食用可以幫助排便，改善排便不暢順嘅問題，熱辣辣咁食效果又好又放心。怕悶嘅，糙米都係唔錯嘅選擇。
唯一要注意嘅係，食用燕麥時，唔好直接用凍牛奶、豆漿沖，而係加熱之後食用。食嘅時候唔好加入屬性生冷、寒涼嘅蔬果一齊食。
資料來源：華人健康網
