聽講孕婦喺懷孕後期需要清胎毒，否則BB出世後皮膚會變差。究竟咩係胎毒？係咪所有孕婦都需要清胎毒呢？
{adv here}
{adv here}
咩係胎毒？
「胎毒」係BB嘅脂溢性皮膚炎，呢種病症可能同媽媽嘅內熱體質有關。BB出世後，面上會出紅疹、嚴重嘅過敏性疾病、黃疸、濕疹、都被認為係喺媽媽肚入面嘅時候受胎毒影響所致。
胎毒嘅來源
如果孕婦喺懷孕前一向都係容易熱氣嘅體質，懷孕後有內熱嘅機會就更大。如果孕婦懷孕期間大魚大肉又食大量補品，進食太多辛辣同埋煎炸食物，就會加重體內嘅熱氣。孕媽嘅「內火」、「內熱」好有可能會傳畀胎兒，而導致BB出現濕疹等，就係所謂嘅「胎毒」所致。
{adv here}
點樣清胎毒呢？
孕婦嘅內火、濕熱，可以透過平和、清淡嘅食物同埋食療去調和。
降內熱嘅食療包括飲綠豆湯、食綠豆粥降火；仲可以食蓮子粥，用沙參、玉竹煲湯或糖水，都有滋陰潤燥嘅作用。呢啲食療都比較溫和，懷孕後期可以一星期進食一至兩次。另外，多飲水有助於排毒，係副作用最少嘅降火、清內熱方法。與其到懷孕後期先考慮降內火，倒不如從懷孕早期就開始調理，喺整個懷孕期保持飲食健康，胎兒出世後就冇咁容易受胎毒影響。
資料來源：每日頭條
