好多家長都會問：點解小朋友細個嘅時候，好容易可以喺佢手上攞走一樣嘢，反而佢越大就越難。其實咁係因為兩歲後嘅小朋友開始有物權意識，佢知道呢樣嘢數量係有限嘅，如果唔好好保護就會失去。小朋友有物權意識係一件好事，佢會冇咁容易受到欺凌同蝕抵俾人。所以小朋友唔願意分享係成長過程入面嘅正常現象，家長唔需要擔心，更加唔應該強迫小朋友分享。
{adv here}
{adv here}
家長嘅身教可以令小朋友明白到分享所帶來嘅快樂。例如媽媽平時可以同鄰居或者同事分享自己嘅物品，多啲喺小朋友面對同家人分享食物，並將自己分享後嘅快樂體驗話俾小朋友知，令小朋友明白同人分享嘅好處。
教小朋友分享之前，應該教佢學識「交換」
想令小朋友學識分享，首先要明白分享嘅目的。分享係為咗同分享對象有更好嘅合作同埋變得更團結，並唔係冇代價嘅付出。分享嘅目的家長其實都好清楚，所以先希望小朋友樂於分享，人緣好，有困難時自然會有人幫忙。但係小朋友唔明白呢個道理，只係知道如果佢同人分享，佢就會失去一樣屬於自己嘅嘢。建議家長教小朋友分享前，應該先教佢學識交換。喺交換過程中，小朋友唔會覺得有損失，只係以物換物，咁樣佢嘅心理會平衡啲，透過同人交換，遂漸建立分享嘅安全感同埋感受到分享所帶來嘅快樂，慢慢小朋友就會肯主動同人分享。
{adv here}
小朋友唔肯同人分享，其他人亦都唔會同佢分享，小朋友間都有佢哋自己嘅小世界，所以與其強迫佢哋分享，不如放手畀小朋友自己去體驗，當佢哋遭到其人拒絕時，就會明白佢當初拒絕同其他分享時，人哋係咩感受。小朋友嘅人際關係，應該由佢自己去體驗同埋解決，家長要相信小朋友經過切身嘅體會之後，會慢慢領悟到分享可以交朋友嘅道理。
資料來源：每日頭條
