一般情況下，女性坐月嘅時候可以食薑，但必須注意時間同份量。薑含有豐富嘅營養素，食薑可以補充產婦生產時流失嘅營養，促進身體嘅恢復。薑屬辛溫之物，一次不宜食用過多，過多嘅薑醋會增加惡露，令惡露排唔清，造成貧血，產後體弱，所以產後唔可以立即食薑。

{adv here}

另外，薑片可以驅寒，用薑水沖涼可以預防風濕頭痛。產婦可以用薑片煲水洗頭沖涼，甚至洗面洗手。

坐月食薑有什麼好處？

驅寒暖身，舒緩手腳冰冷
產婦生產後，身體疲憊，容易出現手腳冰冷，感到沾寒沾凍嘅症狀，食薑可以維持正常體溫，減輕身體冰冷症狀，促進血液流通，增強血液功能，有助產婦產後恢復。

改善胃口，增加食慾
薑可以刺激胃黏膜，達到促進腸胃消化，改善胃口，增進食慾。產婦產後經常會因為疲勞而胃口不佳，從而影響心情，所以產婦食薑，可以促進消化，改善胃口，增進食慾。

防止貧血，補血護膚
薑含有豐富鐵質，每100克薑就含有85毫克鐵質，產婦食薑可以補血活血，維持皮膚，毛髮，血管嘅健康。

{adv here}

補充能量，舒緩疲勞
薑仲含有豐富維他命，產婦食薑可以補充能量，補充精力，保持活力，減輕生產所帶來嘅疲勞感，克制疼痛感。

坐月食薑注意事項

1) 最好待惡露轉為淡黃色或白色才進食。

2) 食薑後如果惡露突然變多或顏色變鮮紅，應暫停食用或減少分量。

3) 以隔日小半碗薑湯或一碗薑醋嘅份量為之適合，不宜飲用濃薑汁。

4) 食用薑嘅時間不宜太長，一般持續10日左右即可。

5) 陰虛內熱嘅產婦不宜食用。

資料來源：古方中醫網