從懷孕生子到子女嘅衣食住行，屋企事無大小樣樣都要媽媽操心，現代女性更要面臨事業嘅挑戰，每日要處理嘅大小事項似乎沒完沒了。但係一個人承受壓力嘅能力有限，如果壓力太大，而又無辦法釋放或者調解，甚至被忽視，後果可以好嚴重。
英國一項調查顯示，同爸爸相比，小朋友嘅快樂程度同媽媽嘅情緒有更大嘅關係。昆士蘭大學嘅研究發現，如果孩子嘅母親有精神問題，好有可能會影響到小朋友。媽媽要有一個健康嘅心理同精神狀態，至可以培養出健康嘅寶寶。
{adv here}
造成媽媽精神壓力大的原因
1) 缺乏睡眠
長期睡眠不足會導致媽媽出現焦慮、抑鬱嘅情緒。媽媽嘅情緒會變得好波動，越嚟越冇耐性，一遇到唔順意嘅事就會發脾氣，情緒低落，急躁等。
2) 孤獨與無助感
好多媽媽生咗寶寶，就會不知不覺咁遠離咗朋友同社交活動。如果無辦法搵到一個可以傾訴嘅對象或者理解自己嘅家人，就有可能產生一種焦慮無助嘅心理，覺得所有嘢都要自己獨力承擔。
3) 事業和經濟的壓力
全職工作嘅媽媽工作時需要同其他同事一樣全力付出，返到屋企又要為小朋友同家人操心。久而久之，身體同精神都會處於一種緊張或者透支嘅狀態。而兼職或者全職主婦就要面臨經濟壓力，同埋因為冇返工而同社會脫節嘅壓力。
4) 生活節奏太快或時間安排得太緊張
好多媽媽由朝早一直忙到夜晚，幾乎冇機會畀自己休息同放鬆。小朋友上完補習班，又要趕住去參加下一個活動，總係將時間表排得密密麻麻，無形中畀咗自己好大壓力。
5) 對自己沒有自信
大部分媽媽都希望其他人認同自己係一個好母親。但當事與願違嘅時候，就會有一種自責感、愧疚感同不自信嘅心理，嚴重嘅話會造成自責同抑鬱等不良情緒。
{adv here}
媽媽減壓秘訣
1) 正視睡眠問題
盡最大可能保證足夠睡眠時間，例如週末可以補補眠，叫家人幫忙照顧小朋友；趁小朋友瞓咗覺，自己都應該爭取時間休息吓。
2) 享受真正屬於自己的時間
無論係全職工作、兼職或者全職媽媽都要留番啲時間畀自己放鬆吓，做自己喜歡做嘅事。千祈唔好因為咁做而有罪疚感，因為幫自己叉足電，先有能量為家人付出更多。
3) 放慢生活節奏
按照事情嘅輕重程度，嚟決定自己嘅時間表，喺時間表上安排一啲休息時間，可以輕輕鬆鬆睇吓電視，玩吓手機，甚至完全放空。
資料來源：大紀元
