小兒腦積水多數發生喺出生後6個月內，尤其係出生後嘅第1個月，如果唔及時治療，令病情進一步惡化，寶寶嘅顱內壓不斷升高，影響智力發展，仲會留下嚴重嘅後遺症，所以早期發現同治療係非常重要。
{adv here}
小兒腦積水早期症狀
當發現以下情況，應該儘早搵醫生檢查：
1) 出生後頭圍增大或增長迅速，相對身體和面部，頭部顯得特別大；
2) 前額寬大而飽滿，頭皮血管擴張；
3) 頸部肌肉難以支持沉重的頭部，而變得歪斜；
4) 眼球向下轉動時，上部露出白色鞏膜。
除咗以上症狀，寶寶仲會表現出精神不振、煩躁不安、易嘔、經常抽搐、癱瘓等現象。
{adv here}
密切留意頭部大小變化
腦積水一般喺寶寶兩歲以內發生，如果係先天性腦積水，寶寶出世後幾星期頭部會開始變大，一般喺3～5個月後會較為明顯。先天性腦積水嘅主要成因係先天發育異常，亦有可能係後天出現病變，例如顱內感染、出血、顱內腫瘤、外傷等。要及早發現寶寶腦積水，就需要定期量度寶寶頭部嘅大小，包括周徑、前後徑同埋耳間徑。剛出世嘅寶寶頭圍正常係33～35cm，後囟喺出世後6星期會閉合，前囟就9～18個月閉合。
治療小兒腦積水
小兒腦積水嘅治療以手術為主。「腦室-腹腔分流術」係治療小兒腦積水嘅一種非常有效嘅手術方法，適合各種原因造成嘅腦積水症狀。醫生會將寶寶腦室內積存嘅腦脊液引導到腹腔入面，然後再進行吸收，令腦脊液嘅分泌同吸收平衡返，就可以減輕腦積水。
資料來源： 健康樹，每日頭條
