上星期5，高雄一名4個月大男嬰，由媽媽雙手抱住坐喺前座乘客位，點知私家車失控撞向橋墩，男嬰頭部撞擊汽車表板，導致頭骨出現5×5公分嘅凹陷，左邊頭顱好似「被咬了一口的蘋果」。父母嘅兒童乘車安全意識唔足夠，小朋友就首當其衝成為犧牲品。
{adv here}
【兒童安全座椅，有效的乘車保護】
孩子乘車時使用兒童安全座椅，係全世界公認為最有效嘅保護方式。正確使用兒童安全座椅，可以將1歲以內嘅孩子潛在車禍傷亡率有效降低70%以上；1~4歲嘅孩子降低54%以上；4~7歲嘅孩子降低59%以上。
【選購兒童安全座椅3大要點】
1) 購買前，一定要睇清楚安全座椅有冇相關質量認證，例如歐洲嘅認證標準ECE。
2) 最好選擇冇刺激性氣味、舒適透氣，材質進行過防火處理嘅產品。
3) 家長要根據孩子嘅年齡、身高、體重，選擇合適嘅座椅款式，必要時要請教專業嘅銷售人員。
{adv here}
【不同年齡，座椅不同安裝方式】
後向式安全座椅
對於1歲以內，體重唔夠13kg嘅寶寶，必須使用向後式安裝兒童安全座椅，座椅傾斜度為30~45°之間。3歲以下嘅幼兒，頸椎部比較脆弱，所以3歲前，建議儘量使用後向式安全座椅，可以減輕正面碰撞時對孩子頸部造成嘅衝擊。
但如果孩子1歲時身高體重已經超過後向式座椅嘅承載範圍，就要考慮更換前向式嘅座椅。
前向式安全座椅
3~7歲，以及身高體重已經超過後向式座椅承載範圍嘅1~3歲兒童，需要使用前向式安全座椅，直到孩子身高體重已經完全超出座椅承載嘅高度重量時，可以考慮更換兒童增高墊。
增高墊
7~12歲，身高體重無法再坐兒童安全座椅，但仲未達到國際使用安全帶1.4米嘅身高標準時，就可以考慮使用增高墊。使用增高墊後，喺發生碰撞時，安全帶會勒住孩子身體較強壯嘅部位，可以避免對頸部造成傷害。
資料來源：每日頭條
