自卑嘅小朋友喺自己心裡面下咗一個定論，覺得自己比唔上其他人，佢哋會用外表、智慧或者其他特質嚟衡量自己嘅價值，而且自卑嘅小朋友會特別在意外人嘅評價，甚至出現過激嘅反應。孩子嘅自卑感會影響以後嘅人際關係同發展。 父母特定嘅教養方式同家庭環境，會直接影響孩子長大後嘅性格。有自卑性格嘅人，基本上都嚟自以下4種家庭。
{adv here}
1) 夫妻不和睦的家庭
夫妻之間冇矛盾同爭執，係冇可能嘅事。 但經常喺小朋友面前嗌交，甚至上升到有肢體衝突，好容易造成孩子極度不安同自卑。 孩子往往會變得怯懦、細膽、自卑或者暴戾。 夫妻關係差嘅家庭，對待自己嘅小朋友往往都缺乏耐心，小朋友容易變成父母嘅出氣袋，久而久之，感受唔到家庭溫暖，就會對人生充滿悲觀。
2) 忽視孩子的家庭
小朋友嘅自信心，好大部份取決於父母對自己嘅睇法。 父母經常表現出對孩子漠不關心、對孩子嘅需求總係敷衍了事，同孩子關係疏離，都會導致孩子覺得不被愛，打擊孩子自尊心，影響孩子嘅學習成績，仲有可能影響到孩子嘅品行。
{adv here}
3) 專制強權的家庭
身處於呢種家庭嘅小朋友，好難對父母打開心扉，遇到困難受到委屈嘅時候，都會選擇自己默默承受，擔心會俾父母責罰。 呢種小朋友長大後會壓抑自己嘅內心，出現社交障礙，甚至習慣性委屈自己，去討好他人。
4) 暴躁暴力的家庭
從小被父母打到大嘅小朋友，會缺乏安全感而變得自卑。 有啲父母依然信奉「棒下出孝子」「不打不成才」嘅理論，但事實上，佢哋只係冇辦法控制自己嘅情緒。 長期打罵孩子，身體嘅傷會痊癒，心理上嘅傷痕係一世嘅。 小朋友會變得自卑、缺乏社交溝通能力，甚至會出現抑鬱情緒。
資料來源：新浪育兒
