美國加州一名模特兒沃瑟（Lauren Wasser）5年前因為使用衛生棉條，受細菌感染引起「中毒性休克症候群」(Toxic shock syndrome, TSS)，結果要將右邊小腿截肢保命，最近連左腳都面臨截肢命運。
衛生棉條造成感染嘅原因，同棉條嘅吸收力以及放喺陰道內嘅時間有關，吸收力越強，容易造成陰道黏膜乾裂而失去保護，亦都因為吸收力好，使用者放喺陰道嘅時間就越長，增加造成感染嘅風險。
{adv here}
TSS係一種罕見但有可能致命嘅疾病，病程會進展得好快，主要由金黃色葡萄球菌感染所致，病菌會經由傷口進入人體嘅循環系統，而引起全身出疹、發燒、肚瀉，甚至導致器官衰竭。
如何避免使用衛生棉條所引起的TSS?
1) 使用棉條前一定要先洗手，如廁後要由前往後擦，並於4~8小時內更換。
2) 按自己嘅經血流量，選擇適合嘅衛生棉條。如果流量大，就應該選用吸收力較強嘅棉條。相反，如果棉條不易取出，或者使用後覺得陰道乾澀，棉條碎裂，或者8小時以上都未需要更換，建議改用吸收力較低嘅類型。
3) 從事水上活動或游泳時棉條會吸水，所以建議游泳後要立即更換，以免增加感染機會。
4) 陰道發炎時，切勿使用棉條。
5) 如使用期間突然有發高燒，發冷，全身發紅、腹瀉、頭暈、面色蒼白、嘔吐、持續下腹痛 (非經痛) 等症狀，應該馬上搵醫生檢查。
資料來源：三立新聞網
{adv here}
