坐月最常見嘅3大誤解
1. 閂晒全屋門窗，禁止開冷氣
不少媽媽坐月時怕「攝親」都會閂晒門窗，但咁樣會空氣唔流通搞到好易有呼吸系統疾病，仲會嚴重影響媽媽嘅健康。
{adv here}
{adv here}
2. 坐月唔可以沖涼洗頭
好多媽媽坐月時都唔可以沖涼洗頭，其實咁樣係唔正確，因為唔沖涼洗頭係極度唔衛生，反而會更容易患病，影響身體恢復。
3. 飯餸落鹽會影響上奶
如果鹽分攝入唔夠會引致低鈉綜合症，影響媽媽嘅健康同埋人體代謝，令到媽媽出現多汗易攰冇力嘅情況。
產後點樣正確坐月？
1. 坐月時長時間瞓喺床上唔郁動係唔正確，會影響身體恢復甚至造成宮腔粘連。適當嘅活動對產婦嘅身體恢復有好處，可以促進血液循環同埋增強媽媽嘅免疫力，有助降低患病風險。
2. 注意營養配搭，唔好食得太補，否則會造成肥胖，增加患病風險，坐月期間進補要適可而止，選擇有助促進身體恢復嘅食物，多啲食菜同生果，增加維他命、纖維同埋蛋白質吸收，對身體恢復有幫助。
{adv here}
3. 根據天氣變化著返適合嘅衫，著太多衫有可能會導致中暑，仲要保持空氣流通，注意室內清潔衞生，營造一個良好嘅休養環境。
資料來源：每日頭條
