Posted on Leave a comment
PT話題

小朋友講粗口點算好?

聽到小朋友講粗口,有啲爸爸媽媽會不知所措,有啲就會好嬲,有啲就闊佬懶理。到底要點做好?今次就同大家探討吓呢個問題。

{adv here}

{adv here}

小朋友點解會講粗口?

1. 模仿身邊人講嘢

小朋友年紀仲細,欠缺判斷同思考能力,所以仍然處於理解同模仿嘅狀態。俗語有話「學壞三日,學好三年」,有時身邊嘅人成日講同一句粗口,俾小朋友聽到,佢哋就會覺得好有型又有趣,開始模仿起嚟,慢慢就養成講粗口嘅習慣。

2. 講粗口發洩

每個人都需要發洩情緒,更何況係小朋友呢?隨着小朋友嘅成長,佢哋對事物嘅認知越深刻,情緒亦會越明顯。當滿足唔到佢地嘅要求,或者身體唔舒服就會鬧情緒,當佢哋講粗口原來係好有趣同好爽,就會開始學講粗口嚟發洩情緒。

小朋友講粗口,父母應該點應對?

1. 暴力解決唔到問題

對小朋友暴力係解決唔到問題,仲會喺小朋友心入面留下陰影。暴力只可以令小朋友表面聽你講但係內心仍然唔憤氣,當家長聽唔到嘅時候佢就會繼續講粗口,咁樣只會令小朋友出現反叛嘅心理。

{adv here}

2. 先讓小朋友冷靜

如果小朋友講粗口,爸爸媽媽可以唔理小朋友,小朋友覺得冇癮就會好奇問爸爸媽媽。小朋友好奇嘅時候,就係專注力最高嘅時候,父母可以喺呢個時候話畀小朋友知,講粗口係一種唔文明嘅行為,呢個時候小朋友嘅認知先係最深刻嘅。

3. 爸爸媽媽要以身作則

爸爸媽媽要保持良好嘅行為同舉止,唔可以粗言穢語,否則小朋友會有樣學樣。

正所謂「上樑不正下樑歪」,小朋友嘅模仿能力係最強,所以爸爸媽媽要為自己小朋友樹立好榜樣。

4. 培養良好嘅興趣同嗜好

好嘅興趣同嗜好唔單止可以令大人好嘅情操,亦都可以培養小朋友嘅心性,避免令小朋友產生負面情緒,仲可以幫助避免外界不良環境。

5. 爸爸媽媽要提升小朋友嘅辨別能力

令小朋友有意識咁分辨邊啲係粗口,做到出淤泥而不染。

 

資料來源:尋夢新聞

 

標籤:
發佈回覆

你的電郵地址並不會被公開。 必要欄位標記為 *