餵母乳本來就係每個女性與生俱來嘅天賦，但就有好多媽咪為咗呢件事煩惱，常見問題包括奶量唔夠、谷奶會變「石頭胸」、乳頭甩皮流血、乳頭痠痛同埋乳腺炎等等。產後脹奶會痛，好多時係因為餵哺時間唔夠、半夜冇餵奶泵奶，冇及時將母乳移出乳房所引致，而乳頭甩皮痠痛，主要係由於寶寶食奶姿勢唔正確。
{adv here}
{adv here}
為產後哺乳順利做好5大準備
1. 吸收哺乳相關知識
媽媽通常都可以透過健康院或者相關機構舉辦嘅媽媽講座預先了解餵人奶嘅生理機制、點樣應付脹奶、餵奶姿勢、點樣教寶寶正確含乳等嘅知識，當實際要餵人奶時，再加上醫護人員嘅協助，一定事半功倍。
2. 尋求另一半支持
大部份嘅媽媽都唔係用錯方法餵母乳，而係同另一半或者其他家庭成員冇共識，例如：奶量少寶寶食唔飽、媽媽天生就係冇奶等等嘅說話，增加媽媽嘅心理負擔。所以媽媽可以喺懷孕期間邀請另一半一齊參加媽媽講座，一齊認識餵哺母乳嘅知識同技巧，咁樣先可以喺實戰時給予支持同提供協助。
3. 調整心理狀態
生完寶寶後身體入邊嘅泌乳激素會開始增加，雖然生寶寶後頭3日奶量都會好少，但寶寶啱啱出世胃容量只有一粒波子咁大，所以媽媽都唔使擔心寶寶食唔夠嘅問題；產後3~5日就會感覺到奶量開始增加，只要按照返寶寶嘅需求同埋按時餵哺或者泵奶，奶量就會開始同寶寶嘅需求達到平衡。
{adv here}
4. 準備好哺乳用品
對有哺乳計畫嘅媽媽嚟講，哺乳內衣、哺乳衣、哺乳枕、乳墊、吸奶器等物品都係懷孕期間購物清單必備物品，預先準備好，生完寶寶先可以有更多時間專注喺身體調理同埋照顧寶寶方面。
5. 乳房按摩
有一部份媽媽喺懷孕後期都會感覺到乳房有腫脹感，甚至有痛楚，產前六個星期可以透過沖涼時輕輕按摩乳房或者用花灑，以力度溫和嘅水柱按摩乳房。另外仲要注意沖涼水溫唔可以太高，因為水溫太高會洗走皮脂，導致乳房皮膚乾燥、甩皮、痕癢等等嘅狀況。
資料來源：華人健康網
