父母發生衝突時，好多小朋友都會感到不安同恐懼。小朋友感到不安，因為佢覺得原本和睦嘅家庭遇到威脅；感到恐懼，因為佢覺得自己冇能力調和父母嘅關係，會表現得不知所措。如果父母嘅吵架內容有提及到小朋友，佢仲會感到內疚，因為佢會認為自己係父母嗌交嘅原因。

{adv here}

實際上，父母關係不和，或者長期爭吵，會令小朋友喺成長過程中，慢慢陷入分裂嘅感情矛盾。小朋友亦都好難保持中立，只能夠選擇站喺其中一邊。但係無論站喺爸爸或者媽媽嗰邊，對小朋友嘅性格發展都有害。有時，小朋友甚至被迫成為父母嘅發泄對象，淪為「出氣袋」。兩夫妻冷戰時，小朋友會遭到父母冷待，得唔到應有嘅關愛同陪伴，缺乏父愛同母愛嘅小朋友容易感到孤獨同失落。

父母嗌交時，小朋友只可以匿埋一邊喊，強迫自己對此事視而不見。與此同時，小朋友都會因為經常家無寧日而怨恨自己嘅家庭，對家庭、對生活失去原有嘅信心，甚至對身邊嘅人都缺乏感情。如果父母經過長期爭吵後選擇離婚，離異後小朋友只能夠同媽媽或者爸爸住，對佢嘅精神傷害更加係雪上加霜。

夫妻發生衝突時，爸媽們應該點做？

1) 別因為小朋友而爭吵
爸媽們儘量唔好因為小朋友而嗌交，或者喺嗌交嘅過程中不斷提起小朋友個名。小朋友好多時都唔明白父母為咩而嗌交，只係聽到父母提起自己個名。小朋友會誤以為父母係因為自己而嗌交，因此會感到害怕同自責。

{adv here}

2) 不要讓小朋友看見父母吵架
人總會有情緒，工作壓力加上生活中嘅瑣碎事，好容易令兩個人因為少許分歧而大動肝火。呢個時候，如果夫妻兩人非吵不可，都唔應該當著小朋友面嗌交。但係要注意，較大嘅小朋友，即使父母冇當面爭吵，佢都可以從家庭嘅氣氛以及父母嘅眼神、互動，睇得出父母之間嘅關係存在問題。

3) 不要在孩子面前口不擇言
有啲父母不但當著小朋友面嗌交，仲會口不擇言，用粗言穢語鬧對方，呢啲說話方式都會被小朋友模仿。所以，儘管嗌交時係幾咁激動，雙方都唔可以講粗口，否則不但會破壞自己形象，仲會對小朋友造成不良影響。

幸福感覺係會傳染，爸媽們必須要營造一個快樂嘅家庭氛圍，小朋友先可以茁壯成長。

資料來源：每日頭條