大部分產婦產後都會被產後水腫症狀所困擾，究竟點解會產後水腫？產後水腫正常嗎？產後水腫應該點處理？今次就同大家探討一下產後水腫嘅原因同去水腫方法。

{adv here}

產後水腫原因

1) 生理原因
孕婦懷孕期間由於子宮增大壓迫到肢下嘅回流靜脈，從而會引起唔同程度嘅水腫症狀，產後身體仲未完全恢復時，多餘水分滯留就會出現產後水腫。

2) 護理不當
如果產婦產後唔注意飲食同生活習慣，都有可能無形中加重產後水腫嘅症狀，所以產後如果護理不當嘅話都容易造成產後水腫。

3) 疾病原因
如果產婦產後水腫症狀嚴重並且持續時間較長嘅話，就好有可能係因為某種疾病而引起。導致產後水腫嘅疾病包括妊娠高血壓綜合症、肺栓塞、靜脈血栓、凝血等等。

{adv here}

產後如何去水腫

1) 飲食調理除咗進食利水消腫食物之外，產婦都需要注意儘量少食鹽，產婦產後攝取過量嘅鹽，反而會加劇產後水腫症狀。

2) 避免坐太久為舒緩產後水腫嘅症狀，產婦需要注意儘量避免坐或者企太長時間，因為產後長期保持同一個動作，好容易導致血液不流通而加重產後水腫症狀，所以建議產婦可以適當抬高腿部或者喺腿部墊一個咕⯑，對舒緩產後水腫都有好大幫助。

3) 適量運動
建議產婦做適量運動，飯後可以進行散步促進身體血液循環。

4) 母乳餵哺
產婦產後堅持母乳餵哺都有助產後去水腫，因為產婦喺哺乳過程中可以有效促進身體血液循環，對於預防或者去水腫都有一定嘅功效。

資料來源：主婦網