高需求寶寶嘅概念源自威廉·西爾斯博士嘅育兒經。其實，每個寶寶喺某個程度或者某個階段都有可以被認為係高需求寶寶。總括來講，高需求寶寶有以下特徵。
{adv here}
{adv here}
1. 反應強烈
高需求寶寶嘅反應一般都比較大，喊嘅時候特別大聲，笑又笑得好熱情，食奶又會狼吞虎嚥，一旦大人滿足唔到佢嘅需求，就會雙手握拳、肌肉繃緊，表現出強烈嘅不滿。
2. 充滿活力
高需求寶寶非常好動，冇時停，但並唔係「過度活躍」，只係充滿熱情同活力嘅表現。
3. 戀奶
高需求寶寶食奶唔係為咗填飽肚，而係想獲得安全舒適嘅感覺，所以餵奶次數會比一般寶寶頻密。
4. 需求不斷
高需求寶寶由朝到晚都有好多需求。媽媽會經常趕唔切滿足佢哋，甚至唔知道佢哋為咩扭計。
5. 總是清醒
高需求寶寶全日都活力充沛，連夜晚都係咁。其實與其強迫寶寶瞓覺，不如營造一個更加易入睡嘅環境，令佢哋慢慢瞓著。
6. 難以預期
高需求寶寶好難捉摸，情緒起伏好大，媽媽每一日都要面臨一個又一個嘅挑戰。
7. 過度敏感
高需求寶寶鍾意熟悉安全嘅環境，少少聲響、未去過嘅地方、陌生嘅面孔都會令佢哋進入高警覺狀態。
{adv here}
8. 放不下來 or 拒絕抱抱
有啲高需求寶寶非常喜歡同媽媽有親密接觸，希望你時刻抱著佢，放低一陣就會喊唔停。相反，有啲高需求寶寶會拒絕親密接觸，唔鍾意人抱。
9. 不能自我安撫
玩具、奶嘴呢啲安撫小玩意對高需求寶寶來講作用唔大，佢哋需要人哋嘅安撫，只有爸爸媽媽喺身邊，佢哋先會真正咁安靜落嚟。
10. 嚴重的分離焦慮
需求寶寶嘅分離焦慮表現特別強烈。一旦媽媽離開佢哋就會變得非常焦慮害怕。
資料來源：GreatDaily
