Posted on Leave a comment
PT話題

小朋友係「夜鬼」? 3招令小朋友習慣早睡早起

好多小朋友都習慣夜瞓,朝早又唔願起身,小朋友嘅精力一般都比較旺盛,仲會越夜越精神。小朋友夜瞓,不但影響第二朝起身返學,仲會影響身體發育。

夜瞓係一個惡性循環,久而久之就會養成習慣,同吸煙一樣,好難戒得甩。不過只要做好以下3點,小朋友就會乖乖哋早睡早起!

{adv here}

1) 規定一個睡覺時間

建議硬性規定一個睡覺時間畀小朋友,除非有特殊情況,否則平時一到咗呢個時間就必須上床瞓。睡前半小時就要令小朋友靜落嚟,例如規定9點要上床瞓,咁8點半就要嘗試令小朋友靜落嚟,開始進行睡前準備。
{adv here}

2) 睡前避免激烈運動

進入睡前準備階段時,唔好畀小朋友睇卡通片、玩遊戲等,因為咁樣會令小朋友嘅大腦處於興奮狀態。家長需要花啲心思,儘量形成一個固定嘅模式,例如講睡前故事,聽啲柔和嘅音樂,營造一個安靜平和嘅睡前環境,目的就係要畀小朋友知道,安靜落嚟之後就應該瞓覺喇。

{adv here}

3) 到睡覺時間,全家熄燈

好多家長自己本身習慣夜瞓,就唔好期望小朋友會早瞓。父母就係孩子嘅一面鏡,小朋友會「有樣學樣」。如果想小朋友早瞓,到咗睡覺時間,家長可以當住小朋友面熄燈,畀佢哋知道所有人都要瞓覺。然後,媽媽或者爸爸就帶小朋友入自己間房,傾吓偈,或者講個故事,睇住小朋友瞓著咗先離開。呢個時候,家長可以再開返燈做自己嘢。總之,營造一個適合睡眠嘅環境好重要。

資料來源:每日頭條

標籤:
發佈回覆

你的電郵地址並不會被公開。 必要欄位標記為 *